Hervé Le Treut-ek fisika ikasi zuen Frantziako Ecole Normale Supérieure eskolan, eta goiz bideratu zen klima sistemak ikertzera. Frantziako CNRS (Zientzia Ikerketaren Zentro Nazionala) erakundean karrera luzea izan zuen, eta gaur egun Parisko Sorbona Unibertsitatean eta Ecole Polytechnique eskolan irakasle da.
Pierre Simon Laplace Institutuaren zuzendari eta Zientzia Akademiako kide izan zen, IPCC-ren 4 txostenetan parte hartu zuen, Klimari Buruzko Mundu Mailako Ikerketa programako Zientzia Batzordeko kide izan da eta COP21aren jarraipen batzordeko kidea da gaur egun. Bere lanaren zati handi bat planeta mailako klima ereduen garapenean datza, baina azken urteotan tokiko klima aldaketak izan ditu ikerketa gai, Akitania-Berria eskualdean Acclimaterra proiektuaren bidez.